ﮔﺮﯾﻮﻡ ﺳﯽ ﮐُﻪ ﻭ ﮐُﻬﺴﺎﺭ ﺑﯽ ﺷﯿﺮ

ﮔﺮﯾﻮﻡ ﺳﯽ ﺗﻔﻨﮓ ﻣﻨﺪﻩ ﺑﯽ ﺗﯿﺮ


ﮔﺮﯾﻮﻡ ﺳﯽ ﭘﯿﺎﯾﻞ ﺭﻫﺪﻩ ﻭﺭ ﺧَﻮ
ﮔﺮﯾﻮﻡ ﺳﯽ ﺷﮑﺎﻝ ﻭ ﺑﻨﮓ ﺑﺮﻧﻮ


ﮔﺮﯾﻮﻡ ﺳﯽ ﺩﻝ ﺗﻨﮓ ﻭ ﺯ ﺣﺎﻟﻢ
ﺯ ﺩﺍﻍ ﮔﻮﯾﻞ ﺭﻫﺪﻩ ﺯ ﻣﺎﻟﻢ


ﮔﺮﯾﻮﻡ ﺳﯽ ﺩﻝ ﺑﺨﺘﻢ ﮐﻪ ﺑﯽ ﯾﺎﺭ
ﺑﻪ ﺧَﻮ ﻣَﻨﺪﻩ ﺑﻪ ﺍﯼ ﺭﻭﺯﺍ ﻭ ﺷﻮﮔﺎﺭ


ﮔﺮﯾﻮﻡ ﺳﯽ ﮐُﻪِ ﺗﺎﺭﺍﺯ ﻭ ﻣُﻨﮕَﺸﺖ
ﮐﻪ ﮐﻮﮒ ﺧﻮﺵ ﺻﺪﺍﺱ ﺭَﻫﺪ ﻭ ﻧﻪ ﻭُﺭ ﮔﺸﺖ


ﮔﺮﯾوُﻡ ﺳﯽ ﮐﻤﯿﺖ ﻣَﻨﺪﻩ ﺑﯽ ﺯﯾﻦ
ﮐَﺪ ﻭ ﯾﺎﻟِﺲ ﺯ ﺯَﻫـْﻢِ ﺟُﻞ ﭘﺮ ﻫﯿﻦ


ﮔﺮﯾﻮﻡ ﺳﯽ ﯾﻞ ﻭ ﺗﯿﭗ ﺳﻮﺍﺭﻭﻥ
ﺑﻪ ﺳﯽ ﮐﻬﻤﯿﺮ ﻭ ﺳﺮﺩﺍﺭ ﺻﯿﺎﺩﻭﻥ


ﮔﺮﯾﻮﻡ ﺳﯽ ﮐﻪ ﺑﯽ ﺑﺮﻑ ﮐﻬﺮﻧﮓ
ﺑﻪ ﺳﯽ ﺍﻭ ﺩﺍﯾﻞ ﻣﻨﺪﯾﺮ ﻭ ﺩﻟﺘﻨﮓ


ﮔﺮﯾﻮﻡ ﺳﯽ ﺗﺶ ﻭ ﭼﺎﻟﻪ ﺩﻡ ﺍﻭ
ﮔﺮﯾﻮﻡ ﺳﯽ ﻭُﺟﺎﻕ ﮐﻮﺭ ﭼﯽ ﺷﻮ


ﮔﺮﯾﻮﻡ ﺳﯽ ﺗَﻞ ﻭ ﺗَﻤﺪﺍﺭ ﻭ ﺟُﻔﻨﻪ
ﮔﺮﯾﻮﻡ ﺳﯽ ﻟُﻮﯾﻨِﻪ ﻣﻨﺪﻩ ﮔُﺴﻨﻪ


ﮔﺮﯾﻮﻡ ﺳﯽ ﭼَﻪِ ﺑﯽ ﻧﻔﺖ ﻻﻟﯽ
ﮔﺮﯾﻮﻡ ﺳﯽ ﺯُﻣﯿﻨﺎ ﻫُﺸﮏ ﻭ ﻫﺎلی

 

 

گریوم سی خروش رود کارون
که بی ره وسته مینه کُه به زندون

 

به سی ماهی مرده ور گلالی
به سی زاینده رود هشک و هالی

 

گریوم سی بَلیت ریشه وُر تش
به سی زَهمتَوَر، بس خرده ناخش  

 

بنالم سی گل آلاله، بی دشت
به سی شیوند و شالو، کوه منگشت